BELURU: bisi 940 penerima ari sitak menua pesisir Tinjar enggau Bakong nerima bayar mata duit ba Program Ngambi Bantu Belanja Rahmah (STR) 2025 ti diatur ba Balai Komuniti Beluru, Bakong kena Hari Dua.
 
Program diatur Perbendaharaan Malaysia Sarawak, Opis Menteri Pekara Wang Malaysia nya lebih agi ngemuntangka bala penerima ti nadai akaun bank ngambi bantu STR sida terus.
 
Sekumbang program nya diatur ari pukul 8.30 pagi nyentuk 4.30 lemai, pengawa lanchar ari sukung mayuh agensi nyengkaum Opis Pelilih Beluru, tuai raban bansa dia, Polis DiRaja Malaysia (PDRM) enggau RELA.
 
Kerejasama rat semua raban nya nentuka pejalai pengawa meri bantu lanchar, likun enggau ulih dijaga, nipak juluk perintah nentuka nadai penerima STR dikelaung, lebih agi ari komuniti menua ulu.
 
Program nya mandangka pengeransing perintah ngenegapka rentayan ngintu sosial, leboh agi peranak menua pesisir ti agi ditekul akses belanja digital.-EDISI UKAS