BINTULU: Projek ngaga Jematan Lambung Medan terus nerima perati Kaban Kunsil Nengeri (ADUN) Tanjong Batu Johnny Pang Leong Ming begulai enggau Direktor Opis Kereja Raya (JKR) Sarawak, Dr Cassidy Morris, bejalai gawa ngabas pejalai pemadu baru projek nya kena Hari Empat.
 
Pejalai ngabas taba nya mega ngaul pengawa berandau enggau raban kunteriktor dikena ngulihka ripot gaya pejalai projek sereta madah ke pengirau mensia mayuh pasal projek laun, jalai alternatif ti mit enggau jalai enda entu diintu meruan.
 
Ku Johnny Pang, iya nerima mayuh sebana ari peranak dia ti betapi enggau penanggul jalai belingguk enggau belubang ti ngeruga pengelikun penguna jalai alun.
 
“Aku udah ngansak raban kunteriktor nentuka jalai alternatif seruran manah sekumbang projek dipejalai, dikena nyeliah risiko pengelikun ngagai penguna,” ku iya nyemetak.
 
Iya mega bisi madah ke Simpang Medan ti nyadi jalai ditengah dalam sistem rentayan jalai alun di Bintulu, nya kebuah kunteriktor patut ngerumban projek ari nambah orang gawa sereta nambah penyikar operasyen.
 
Berebak enggau nya, iya mega ngingatka jalai dua arung ti suba ditan taja jalai dikuing ke bukai, dikena nyeliah jalai sekut lebih agi maya jam jalai sekut.
 
“Aku mega udah minta raban kunteriktor nentuka trafik lanchar ba mua SMK Bintulu sereta ngadu atur pengelikun tambah dikena nyaga nembiak enggau penguna jalai alun.” Ku iya.
 
Johnny Pang mega meri jamin raban sida begulai enggau JKR Sarawak deka terus matau rat projek nya ulih digaga nitih taga enggau tembu dalam timpuh ti ditetap.-EDISI UKAS