KANOWIT: Status projek ngaga Jalai Nanga (Ng) Bat ke Ng Pra diatu udah manggai 68 peratus tembu.
 
Kaban Kunsil Nengeri (ADUN) Ngemah, Anyi Jana madah, kelimpah ari status ngaga jalai nya, pengawa nyambung bekal kuasa karan ke Rh Ujang, Rh Jimmy enggau Rh Magal mega udah dikemendar ngena agih belanja RM3.9 juta di baruh Skim Bekal Kuasa Karan Menua Pesisir (RES).
 
“Dikena nyeleti Jalai Rh. Salang, projek tu deka dipasuk dalam langgur RTP DUN Ngemah.
 
 “Agensi bejalaika projek deka ngabas taba dikena berati ke skop kereja enggau ungkus,” ku iya lebuh bejaku ba mua mayuh rambau Program Tuai Begulai enggau Rayat diatur JKKK Rh. Salang ditu empai lama tu tadi.
 
Ku Anyi, peminta Rumah Rayat Mesekin Sarawak (PPRMS) deka diserenih pegawai Palan Servis DUN Ngemah.
 
Seraya Penyanding Penemu di Opis Premier Sarawak, Datu Amar Jaul Samion lebuh bejaku merambu ngambi Mid-Rajang Regional Development Agency (MiRRDA) ngagihka RM50 juta ungkup pemansang sitak RASCOM ti nyerangkung pengentap pendiau di Ng Jagau, Ng Ngungun, Ng Tada enggau Ng Sekuau.
 
Ba pengawa nya, ADUN Ngemah nya mega bisi nyuaka geran Projek Pemansang Mit Menua Pesisir (MRP) berjumlah RM5,000 ngagai Gerempung Indu JKKK Rh Salang dikena ngatur aktiviti ninting taun sida.
 
Sama datai Tuai Polis Pelilih DSP Dennis Bunyam, Pegawai Tadbir Khas MiRRDA Kathreen Lalai Eddie Saga sereta bala tuai komuniti menua nya.-EDISI UKAS