KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg bisi nerima penemuai basa Panglima Divisyen Satu Infantri Mejar Jeneral Dato' Khairul Anuar Abdul Aziz di Wisma Bapa Malaysia kena Hari Satu.
 
Tuju penemuai Mejar Jeneral Dato Khairul begulai enggau deligit madah ke pengawa nusun baru operasyen raban soldadu darat di sitak Sarawak.
 
“Pekara tu lebih agi kitai magi baru sitak operasyen ari adan menua entara Sarawak enggau Indonesia sereta mega sukut pengelikun di Laut Cina Selatan," ku iya lebuh dirandau pemberita.
 
Berebak enggau nya, raban sida mega meri terima kasih ngagai Perintah Sarawak lebih agi ngagai Datuk Patinggi Abang Zohari ti udah meri kereban baru ngagai sida ngena agih belanja sepenyampau RM11 juta.
 
“Perintah Sarawak udah meri kereban baka dron, kereban entukar langit nadai deriba (UAV) ngambi bisi dikena kitai di adan menua entara Sarawak enggau Kalimantan, Indonesia," ku iya. -EDISI UKAS