MIRI: Sepenyampau 500 nembiak mendingka Penerang Inisiatif Pelajar Perintah Sarawak diatur Opis Premier Sarawak di Universiti Curtin Malaysia, enggau tuju meri penerang pasal polisi enggau program pelajar nengeri.
 
Program dipenyadi Tuai Sekretari Politik Premier Sarawak,Dato Fazzrudin Abdul Rahman, ti nerangka inisiatif baka Skim Pelajar Tinggi Pechuma Sarawak (FTES), Bantu Belanja Khas (RM1,200), Skim Suwa Rumah (SRAS), sereta Insentif PTPTN enggau iGPS.
 
Iya meransang bala nembiak ngena manah bantu ti disedia enggau nyukung pengawa Sarawak nempa modal mensia menyana nuju ekonomi gadung enggau status kandang menua maju manggai 2030.
 
Sama datai, Presiden Curtin Malaysia, Profesor Dr. Vincent Lee Chieng Chen, sereta pengari agensi perintah ti mega meri penerang bekaul PCDS 2030 enggau Polisi Ekonomi Gadung Sarawak.-EDISI UKAS