KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg nerima penemuai basa ari Kaban Kaunsil Baitulmal enggau Wakaf ba Wisma Bapa Malaysia kena Hari Dua.
 
Tuju penemuai basa nya meri penerang ngagai Premier Sarawak senentang operasyen enggau atur pengawa baitulmal enggau wakaf ke diatu ba nengeri tu.
 
Ba penemuai nya, Premier Sarawak mega merambu ngambi ke Kaunsil Baitulmal enggau Wakaf meri perati ngagai pekara pelajar, seriris enggau juluk Perintah Sarawak nyendiaka pelajar tinggi nadai bebayar ngagai anak Sarawak belabuh taun 2026.
 
Bela sama nemuai Kaban Kaunsil Baitulmal enggau Wakaf ti datai ari Datu Abang Helmi Tan Sri Abang Ikhwan, Sekretari Pekara Wang Sarawak, Dato Sri Dr Wan Lizozman Wan Omar, Mufti Sarawak, Datu Kipli Yassin, Dato Sri Abang Abdul Karim Tun Abang Openg enggau Datu Abdul Razak Tready.
 
Sama datai, Datu Soedirman Aini, Datin Dayang Ernie Awang Hashim, Abang Rahmat Yusof enggau Sahibul Fadhillah Ustaz Mual Su’aud.
 
Seraya raban pengatur Turu Baitulmal Sarawak (TBS) ti sama datai Datu Abang Mohd Shibli Abang Mohd Nailie, Bolhassan Iskandar Taibi, Abang Faisal Abang Marzuki enggau Iskandar Allan.-EDISI UKAS