KUCHING: Pengerami Hari Raya Aidilfitri ti diatur Sapit Menteri ba Opis Premier Sarawak (Penyeraris Projek ungkup Agensi Pemansang Wilayah, DBKU enggau Pekara Islam), Datuk Dr Abdul Rahman Junaidi chukup richah diintu ba siti hotel ditu, kena Hari Tiga.
 
Pengerami ti diatur berengkah pukul 11 pagi nyentuk 4 lemai nya digulu pupu raban bansa ti datai berami enggau negut kaul serimbai bulan Syawal.
 
Bala pengabang dinah enggau bemacham pemakai asal baka lemang, ketupat, rendang, enggau kuih-muih raya ti tentu nyadi menu simbolik pengerami Syawal.
 
Kelimpah ari makai, bala pengabang mega diperindang enggau main asal ti ngerichah pengerami nya.
 
Pengerami ti diintu chukup pengaga enggau ati lantang nya mega mandangka semangat segulai ti nyadi batang pengerami Syawal, ke alai bala bakih, diri sebilik enggau kaban belayan begempuru negapka kaul enggau pangan diri.


Pengerami nya ukai semina ngerami Aidilfitri aja tang mega lambang pengelantang enggau penyerakup rayat menua tu. -EDISI UKAS