news

Stesyen Petros MFS Ke-11 Di Batu Kawa Deka Dibuka, Negap Infrastruktur Hidrogen Sarawak

KUCHING: Sarawak deka nurai siti da pemujur ba pengawa ngemansangka ekosistem kuasa beresi enggau meruan ari muka stesyen PETROS Kuasa Mayuh Bansa tauka “Multifuel Station” (MFS) Ke-11 di Batu Kawa enda lama da.   MFS Batu Kawa nya mega nyadi stesyen “flagship” kedua di nengeri ti ulih nyendiaka bekal gas hidrogen.   Berita nya dipadah SEDC Energy (SEDCE) berindik ari penemuai gawa Sapit Premier Sarawak, Datuk Amar Profesor Dr. Sim Kui Hian ke taba projek kena Hari Minggu, ke alai iya diberi penerang pasal pejalai kereja enggau petemba perengkaguna nya.   SEDCE ba siti penerang media sehari tu madah, struktur fizikal stesyen udah tembu lalu diatu ba renggat kepenudi nyeraris enggau raban bekuasa matau sebedau ngepunka operasyen.   “Stesyen tu deka nyadi komponen beguna ba rentayan ngisi hidrogen Sarawak, nyukung aspirasyen nengeri nuju kuasa ulih dikena baru,” ku iya.   MFS Batu Kawa digaga ngena konsep mayuh bansa (multifuel) ti mungkur minyak konvensional, pengechas deras entukar elekterik (EV) enggau ngisi hidrogen.   Nya deka nerima bekal hidrogen ari stesyen flagship keterubah, MFS Darul Hana, ti ngembuan loji ngeluar hidrogen ba taba ngembuan kapasiti 150kg.   Moden nganjung bekal hidrogen ari Darul Hana ke Batu Kawa deka ngena sistem ngisi ulih mindah “Mobile Hydrogen Refuelling System” (MHRS) nengah pengangkut treler tiub, siti chara keterubah baka nya di randau tu.   Ba pengawa ngenegapka ekonomi sosial, SEDCE mega udah nyiri Gerempung Kerejasama Bomba enggau Penyah Penusah Malaysia (KOBOPEM) nyadi operator MFS Batu Kawa ti meri penatai pemisi meruan ngagai bala kaban gerempung.   Nyadi anak kompeni PETROS, SEDCE ngesan tanggungpengawa besai ngemansangka rentayan nilai hidrogen enggau dagang ili minyak enggau gas renchit di Sarawak ngena chap PETROS MFS.   Naka diatu, 10 stesyen MFS udah bejalaika operasyen ba selampur nengeri, nyengkaum MFS Darul Hana (Jalai Tun Salahuddin), MFS Daro (Jalai Matu-Daro), MFS Kanowit (Jalai Kubu), MFS Kuala Matu (Jalai Daro–Kuala Matu), MFS Brooke Drive (Sibu), MFS Selangau (Pan Borneo-Selangau), MFS Tatau (Pan Borneo-Tatau), MFS Kapit (Jalai Bleteh), MFS Sungai Asap (Jalai Bintulu-Bakun) enggau MFS Jepak (Kampung Jepak).   Kelimpah ari Batu Kawa, empat da stesyen flagship benung dilanggur ba Sri Aman, Sibu, Bintulu enggau Miri sereta ba Bintulu (Jalai Sultan Iskandar) ditaga belabuh tengan kedua taun tu.   Stesyen “flagship” tu disadang nyadi tulang belakang ngagai rentayan ngisi hidrogen Sarawak, lebih agi ba mengeri besai.   Seraya ti da stesyen benung digaga, enggau lebih 40 taba dikelala enggau dilanggur ungkup pemansang ba selampur nengeri.   Semua stesyen baru tu deka disikap perengkaguna ngechas EV kelimpah nyendia minyak konvensional, seriris enggau pengawa ngerembaika kuasa beresi ngagai rayat Sarawak.-EDISI UKAS    

news

Lebih 660 Ruang Bilik Nerima Bantu Ba Program Ngangkat Pengidup Gawai Segulai Sejalai Di Sebauh

SEBAUH: Sepenyampau 660 ruang bilik ari sitak menua ulih ngelingi Sebauh, Tinjar, Baram, Miri enggau Bintulu nerima pemeri barang diguna ninting hari nengah Program Ngangkat Pengidup Gawai Segulai Sejalai diatur PETRONAS Cari Gali Sdn. Bhd. – Sarawak Asset, ba Rumah Nokolie Nelly ditu, kena Hari Enam.   Program sekali tu meda pengawa nyua bantu ngagai lebih 220 ruang bilik ari sitak menua ulu, nyengkaum ari Sebauh, Tinjar enggau Baram.   Seraya 440 da ruang bilik ari Miri enggau Bintulu deka nerima pemeri barang diguna ninting hari ari raban PETRONAS.   Pegawai Pelilih Sebauh, Thadeus Ling madah ke pengawa nya dikena mandangka tanggungpengawa begulai enggau saup kompeni besai baka PETRONAS ukai semina pemeranak puku aja, tang bakih pemansang komuniti.   “Aku pechaya, pengawa tu deka nyadi peransang ngagai mayuh agi program timpuh panjai ba pengawa pelajar, pengerai enggau peluang ekonomi ungkup pemaik rebak dudi,” ku iya.   Inisiatif baka tu ukai semina meri bantu fizikal aja, tang mandangka nilai solidariti sereta kerejasama strategik entara sektor kompeni enggau perintah. -EDISI UKAS  

news

Perintah GPS Terus Betatika Pemansang Menua Pesisir

SIMUNJAN: Perintah Gabungan Parti Sarawak (GPS) seruran naka ulih nentuka pemansang menua pesisir enggau pengelantang komuniti terus dikenati.   Kaban Parlimen Batang Sadong, Rodiyah Sapiee madah, Perintah Sarawak meri perati ngagai pekara pelajar, infrastruktur, ekonomi sereta negap rebak nembiak enggau indu, lebih agi ba kandang menua pesisir.   Iya mega minta rebak biak ngena manah peluang nampung pelajar ngagai tikas tinggi agi, lebih agi ba pelajar pechuma ti deka disedia Perintah Sarawak belabuh taun baru ba universiti diempu Perintah Sarawak.   “Rebak biak lokal mega patut regas agi ngaul diri ba pemansang ekonomi nengeri ti benung deras ngerembai ti enda ngiar penemu pasal politik lokal.   “Baka ti dipeda kitai diatu, puji tuhan, geladak ruai rumah panjai 46 pintu udah tembu ditile magang.   "Projek tu dipejalai ngena agih belanja Program Nyeleti Rumah Mesekin Sarawak (PPRMS) enggau ungkus manggai RM110,400,” ku iya.   Iya nyebut jaku nya ba Pengerami Ngiling Tikai Gawai Dayak di Kampung Ensengei Iban Baru enggau Kampung Ensengei Iban Lama, kena Hari Enam.   Ngenang pengerami nya, Rodiyah mega madah ke Gawai diintu ukai semina pengerami main asal aja tang lambang penyerakup enggau terima kasih kelimpah nyadi nalan negut kaul diri sebilik sereta bebasa ba komuniti pupu bansa.   Rodiyah mega ngaku pangku pengawa besai komuniti Dayak nyungkak pemansang Sarawak, enggau sitak Simunjan.   “Kerejasama ti ditunjuk ari sukut sosial, ekonomi enggau politik chukup manah lalu aku pechaya ari semangat inklusif tu, kitai deka terus nyingkang maju sebela,” ku iya.   Kelai pemujur projek nya, Rodiyah enggau Kaban Kunsil Nengeri (ADUN) Simunjan, Awla Dris bela bejadi ruai enggau tile baru, serete ngelai pengeran perintah ngangkatka tikas pengidup peranak rumah panjai.   Pengerami nya mega richah enggau pengawa asal Ngetas Ranyai, kelai nutup Gawai Dayak ti bela dipenyadika seduai ngena adat enggau budaya.   Sama datai, bini Awla, Napsiah Abang Kaderi; Pegawai Pelilih Simunjan, Sanuyah Mohamad, Pemangku Sekretari Kaunsil Pelilih Simunjan, Sabli Razak; Tuai Polis Pelilih Simunjan, DSP Rafhan Kepli, Penghulu Sitak Zon Pangkor, Musa Pozi, Tuai Rumah Kampung Ensengei Iban Baru, Minchong Pakal sereta Tuai Rumah Kampung Ensengei Iban Lama, Muda Bujang.-EDISI UKAS  

news

ADUN Jepak Nadai Bechiping Mantu Rayat

BINTULU: Kaban Kunsil Nengeri (ADUN) Jepak, Iskandar Turkee meri jamin nadai bechiping mantu rayat, nadai ngira penemu politik, raban bansa enggau jalai pengarap.   Ku iya, isu rumah panjai tuduh, jalai jai, penanggul bekal ai enggau kuasa karan deka terus diberi peratu ba pengawa mantu rayat ba sitak dipegai iya.   “Aku enda nanya sapa ti nyukung aku. Aku semina nanya nama utai diguna kita,” ku iya ba Pengerami Ngiling Bidai diatur Parti Pesaka Bumiputera Bersatu (PBB) Jepak ditu, kena Hari Enam.   Berebak enggau nya, iya madah pengerami Ngiling Bidai ukai semina lambang nutup Gawai aja, tang mai reti besai agi pasal penyayau enggau ngempung komuniti.   Iya madah, sekumbang Gawai diintu, iya empu ngundang peranak ari rumah panjai ke rumah panjai siti, ukai nyadi pengari rayat aja, tang nyadi anak, kaban belayan enggau bakih.   Nya alai, Iskandar meri jamin pengerami baka nya deka ditandu ninting taun nyadi pelasar penyerakup rayat Jepak. -EDISI UKAS  

news

Projek Pemansang Ngubah Landskap Pengidup Rayat Di Limbang

LIMBANG: Projek Sarawak-Sabah Link Road (SSLR) Renggat 2 ti benung digaga di sitak Ulu Limbang disadang ngubah landskap pengidup rayat menua pesisir ari nyendiaka akses jalai alun ti likun enggau meruan agi.   Sapit Menteri Pengangkut, Datuk Hasbi Habibollah madah, projek ngaga rentayan jalai strategik baka SSLR Renggat 2 deka meri empas besai ngagai rayat menua ulu.   “Maya projek SSLR Renggat 2 tembu ila, tu deka nyendiaka akses jalai alun ti manah agi enggau ngelimat jam pejalai dibanding jalai batu tauka jalai sungai ke bisi diatu ti ngeruga pengelikun, lebih agi maya musin pengujan.”   Iya nyebut pekara nya lebuh pejalai gawa ke taba projek SSLR Fasa ditu kena Hari Enam.   Iya mega madah, sitak menua ulu ba Ulu Limbang ti kaya enggau pemanah rampa menua sereta pesaka etnik ulih dikemansang nyadi palan ekodagang temuai, seriris enggau tunga kuing pemansang meruan nengeri Sarawak.   Kaban Parlimen Limbang nya mega dipadah projek ngaga Jalai Ulu Tubai ke Mentawai/Bukit Buda ti dilanjar sebedau tu mega deka ditampung kontraktor baru. -EDISI UKAS  

news

Nik Mohd Arif Rangkul Gelaran Juara Pertandingan Memancing Udang Galah Di Lundu

LUNDU: Kecekapan dan ketekunan Nik Mohd Arif Nik Haron di tebing Sungai Lundu nyata membuahkan hasil apabila beliau dinobatkan sebagai juara Pertandingan Memancing Udang Galah 2025, menewaskan lebih 100 peserta lain dari dalam dan luar daerah. Beliau berjaya merangkul gelaran tersebut selepas mendaratkan udang galah seberat 360 gram, sekaligus membawa pulang hadiah utama berupa wang tunai RM1,500 dalam acara yang berlangsung meriah di Tebingan Sungai Lundu pada Sabtu. Tempat kedua dimenangi oleh Abdul Firdaus Dumilanau Hasan yang memperoleh udang seberat 295 gram dan membawa pulang RM1,000, manakala tempat ketiga menjadi milik Mohd Shahfizan Tahar dengan tangkapan seberat 230 gram, melayakkan beliau menerima hadiah wang tunai sebanyak RM750. Pertandingan anjuran Pergerakan Pemuda PBB Cawangan N3 Tanjong Datu dengan kerjasama Geng Kalan Kubu itu berjaya menarik penyertaan seramai 107 peserta, sekali gus mencerminkan sambutan hangat dalam kalangan pemancing dan penggemar aktiviti rekreasi luar. Majlis penyampaian hadiah disempurnakan oleh Ahli Dewan Undangan Negeri (ADUN) Tanjong Datu, Azizul Annuar Adenan, yang turut menyatakan penghargaan kepada pihak penganjur atas inisiatif mengadakan pertandingan tersebut. Dalam ucapan ringkasnya, beliau menyatakan hasrat agar pertandingan ini dijadikan acara tahunan bagi menggalakkan aktiviti riadah sihat di samping menarik kehadiran lebih ramai pelancong domestik ke Lundu. “Program seperti ini bukan sahaja memupuk minat terhadap aktiviti memancing, tetapi juga mengeratkan hubungan komuniti dan mempromosi Sungai Lundu sebagai lokasi riadah yang menarik,” ujarnya. -EDISI UKAS  

news

Dato Henry Ransing Negap Infrastruktur Pengarap & Pemun Di Jagoi

BAU: Sapit Menteri Pengangkut Sarawak (Sungai denggau Tasik), Dato Henry Harry Jinep madah ke diri keran negapka infrastruktur pengarap enggau pemun ba Zon Jagoi.   Kaban Kunsil Nengeri (ADUN) Tasik Biru nya nyemetak madah ke pengawa ngenegapka perengkaguna gerija enggau utai diguna pemun komuniti menua pesisir terus nyadi agenda besai iya.   Nya alai iya ngemendarka tiga gerija ba Zon Jagoi diseleti diatu baka Gerija St Leo di Serasot, Gerija St Lucas di Duyoh enggau Gerija St Francis Xavier ti nyadi sebagi ari pengawa iya nentuka rumah sembiang ba menua pesisir terus nerima perati ari sukut nyeleti struktur, penyikap enggau pengelantang.   Iya nyebut jaku nya ba Pengerami Makai Serumpu Gawai Renggat Paroki St Stephen 2025, ditu, kena Hari Enam.   Ngenang pasal pekara ti benung nanggul rayat, iya madah ke penanggul ai lubah niki enggau bekal suah tejanggal ti kamah ketegal diesel ba Palan Meresi Ai Batu Kitang.   Ngeleda ke empas besai penanggul nya ba pengidup besehari-sehari nyengkaum aktiviti pengarap, iya minta timpuh seminggu endur mutar begulai enggau agensi bekaul sereta merambu ngaga paip alternatif ke sitak Jagoi.   “Enti bisi dua sistem bekal ai, dia bekal agi deka tegap agi lalu penanggul ulih ditagang,” ku iya.   Ngena peluang nya, iya mega ngemendarka projek ngaga sambung sistem aricon ba Gerija St. Mark ngena ungkus RM150,000 nengah Program Transformasyen Menua Pesisir (RTP) taun 2026, dikena nambah pengelantang bala ti sembiang kia.-EDISI UKAS  

news

Projek Jalai Kampung Kupang Ke Simpang Bajau Beungkus RM112.9 Juta Disadang Tembu September 2027

SARATOK: Perengkaguna penyambung peranak menua pesisir Saratok deka ngasai transformasyen besai lebuh projek ngaga Jalai Kampung Kupang ke Simpang Bajau sepanjai 19.8 kilometer, beungkus RM112.9 juta, diatu benung digaga lalu disadang tembu September 2027.   Pengawa nasih tanah projek besai empas nya udah dipenyadika Sapit Menteri Besai Malaysia, Datuk Patinggi Dr Ahmad Zahid Hamidi ba Rumah Rengan Selambong, Saratok, kena Hari Minggu ti bela digulu lebih 1,000 peranak dia.   Ku Datuk Patinggi Dr Ahmad Zahid, pejalai projek nya mandangka perintah naka ulih nentuka pemansang sebela ba selampur menua, lebih agi ba kandang menua pesisir.   “Kerejasama rat entara Perintah Besai enggau Perintah Sarawak nyadi kunchi ngedut takah pemansang menua pesisir.   “Projek baka tu mandangka penyiru perintah nangkup peminta rayat ba menua ulu,” ku iya.   Iya madah baru, lebuh tembu ila, jalai nya deka ngemuntangka jalai penyambung peranak Kampung Kupang ke Pasar Saratok, lalu meransang ekonomi menua nya tumbuh sereta nambah akses perengkaguna pemun.   Projek nya mega ngaul pengawa ngaga lima jematan mit enggau sekeda simpang jalai ke rumah panjai semak dia, lalu diatu benung lanchar digaga nitih taga.   Ba pengawa ke sama, iya bisi ngemendarka projek ngaga jematan baru ari Kampung Kupang ke Pasar Saratok ti dipelaba beungkus RM122 juta.   Jematan nya deka ngemandakka pejalai ari Kupang ke Saratok kelimpah marit pemansang ngagai kandang menua ngelingi.   Sama datai, Sapit Menteri KKDW, Datuk Rubiah Wang; Sapit Menteri Infrastruktur enggau Pemansang Penyangkai Kapal Sarawak, Dato Majang Renggi; Tuai Sekretari Politik Premier Sarawak, Dato Fazrudin Abdul Rahman; Senator Pele Peter Tinggom; Kaban Parlimen Batang Lupar, Mohamad Shafizan Kepli; ADUN Kalaka, Mohamad Duri; ADUN Beting Maro, Razaili Gapor enggau ADUN Krian, Friday Belik.   Projek nya mandangka siti da pengeran perintah negapka pemansang infrastruktur menua pesisir ungkup pengelantang rayat Sarawak.-EDISI UKAS  

news

Nembiak PBB Mulu Ngatur Pengerami Ngiling Bidai Ngerapit Kaul & Pesaka Budaya

MULU: Pengerami Ngiling Bidai diatur raban Nembiak Parti Pesaka Bumiputera Bersatu (PBB) Pampang Mulu begulai enggau Komiti Pemansang enggau Pengelikun Genturung Pendiau  (JKKK) Rumah Gawong Sungai Selejau Asal Marudi mujur ngempuru lebih 70 peranak ari ngelingi sitak Puyut enggau Lubuk Nibung ba siti pengerami penuh adat enggau bebaik kena Hari Enam.   Tuai Nembiak PBB Pampang Mulu, Cyril Kuling, lebuh bejaku bejadi pengerami meri terima kasih ngagai Sapit Menteri ba Opis Premier Sarawak (Pengereja, Imigresyen enggau Patau Projek) ti nyadi Tuai Pampang PBB Mulu, Datuk Gerawat Gala, udah meri sukung tegut ngagai pengawa ngatur pengerami nya.   Iya mega madah, Ngiling Bidai ukai semina dikena nutup Gawai aja, tang pelajar negapka nilai pengawa asal, pemanah ulah enggau semangat komuniti.   Iya mantangka jaku rebak biak nya penyulur enggau deka nyadi tuai dudi hari, nya alai sida patut mereti enggau nemu pasal pesaka budaya kediri empu.   Pengerami Ngiling Bidai nyadi entara aktiviti ninting taun raban Nembiak PBB Mulu ba pengawa ngerichah hari besai komuniti dia sereta ngidupka baru semangat beduruk enggau beserakup entara rebak tuai enggau biak. -EDISI UKAS  

news

以科技为基础的教育驱动砂拉越未来

古晋：高质量并以科技为基础的教育，是砂拉越政府塑造全方位、具创新能力、能迎接全球挑战的新一代人才的首要重点。 砂副总理拿督阿玛沈桂贤医生指出，当今教育体系必须与数码科技发展同步，尤其是人工智能（AI）等技术，以增强学生的竞争力并扩大获取知识的途径。 “像ChatGPT和DeepSeek这样的科技，并非用来取代教师，而是作为学习的补充工具，协助学生培养批判性思维，并推动自主学习的能力。” 拿督阿玛沈桂贤昨天在由煤炭路国中在洪清河石场多用途礼堂举办的教师节庆典暨2024年大马教育文凭优秀生奖励颁发典礼上致词时，这么说。由于他不克出席，所以其讲稿由巴达旺市议会主席陈开代读。 拿督阿妈沈桂贤医生也祝贺2024年SPM应届优秀毕业生，并提醒他们要把这次的成就作为通往更辉煌未来的第一步。 此外，他也分享了砂拉越政府为确保所有砂子民，无论其社会经济背景如何，都能获得高等教育机会所推出的多项举措与政策。 他强调，其中一项重要举措是凡考取全国任何高等学府的砂拉越子民，皆可透过砂拉越基金会（Yayasan Sarawak）以及砂支付（SPay Global）手机应用程式，申请一次性1200令吉助学金。 他也宣布，从2026年起，凡来自B40低收入家庭，并成功考入砂拉越高等教育机构的学生，将可享有免学费及每年1万5000令吉的生活津贴。 “所有学生受鼓励尽早注册砂拉越身份（Sarawak ID）及砂支付，以确保符合资格领取相关援助。” 同时，共有72名2024年大马教育文凭优秀生获颁奖励，同时校方也颁发感谢状给教师及家长们，以表彰他们长期以来对学校发展的支持与贡献。 出席活动的嘉宾还包括峇都吉当区立法议员拿督罗克强，以及煤炭路国中家教协会主席杨敬木。-UKAS刊