SINGAPURA: Sekretari Perintah Sarawak, Datuk Amar Mohamad Abu Bakar Marzuki udah ngulu Seminar Begulai Ke-10 enggau Lumba Servis Perintah Ke-41 ungkup Tuai Sektor Perintah Singapura enggau Malaysia ti diatur di Grand Hyatt enggau Kelab Servis Perintah, Singapura kena Hari Enam.
 
Iya siku ari delegit Malaysia ti betuai ke Tuai Sekretari Menua, Tan Sri Shamsul Azri Abu Bakar begulai enggau bala pegawai kanan perintah besai enggau nengeri.
 
Ngena rambai jaku “Menerajui Perubahan: Perkhidmatan Awam yang Dipercayai dan Berkesan untuk Abad ke-21,” seminar nya endur bekunsi penemu, randau enggau ngatur pengawa begulai enggau tuju negapka kerejasama ba sektor servis perintah.
 
Program sehari nya mega richah enggau pengawa ngatur Lumba Servis Perintah sereta penegrami makai lemai kelai kaul bebakih enggau kerejasama rat entara dua menua.-EDISI UKAS