KUCHING: Hari Pengereja nyadi basa ngagai genap orang ti udah bebendar gawa, ngena jam enggau pengeransing ungkup pemansang enggau pengelantang nengeri enggau menua.
 
Sekretari Perintah Sarawak, Datuk Amar Mohamad Abu Bakar Marzuki nyemetak madah ke pangku pengawa besai genap pengereja di Malaysia kelebih agi Sarawak nyadi pugu ti nyungkak pemansang.
 
“Kita ukai semina gawa aja, tang ngemudi pemujur dudi hari.
 
“Pengepuh, pengelelak enggau pengeransing kita nyadi kedap ti marit pemansang,” ku iya ba pesan khas kena Hari Tiga serimbai ngintu Hari Pengereja 2025.
 
Berebak enggau nya, Datuk Amar Mohamad Abu Bakar meri terima kasih ngagai semua pengereja ti serursn ransing gawa.
 
“Paju ke pemanah pengawa ti ngemegah, laban kita tiang sukung Sarawak ti Maju Lantang. Tabi puji enggau terima kasih,” ku iya. -EDISI UKAS