KANOWIT: Palan Servis Kaban Kunsil Nengeri (ADUN) Ngemah madah ke diri ransing ati terus bekerejasama enggau agensi perintah ba pengawa nentuka pengelantang enggau pengelikun raban tasah bah diintu menyana.
 
ADUN Ngemah, Anyi Jana madah ke raban sida deka seruran begulai enggau Opis Pelilih Kanowit sereta Komiti Penyangga Penusah Pelilih Kanowit dikena nentuka semua utai diguna orang tasah bah ulih diberi enggau lanchar.
 
Iya bejaku munyi nya lebuh ngatur pejalai ngabas ke Palan Pengenduh Sementara (PPS) Kompleks Lumba Kanowit kena Hari Lima, ngabas gaya bala ti diau ngenduh dia.
 
Pejalai nya diatur ari pukul 10 pagi nyentuk 11 pagi sereta ngaul bemacham agensi perintah ti ngesan tanggungpengawa ba operasyen bantu.
 
“Palan Servis ADUN Ngemah deka terus bekerejasama rat enggau Opis Pelilih Kanowit enggau agensi bekaul nentuka semua utai diguna sida ti tasah bah ulih diadu enggau lanchar sereta meruan,” ku iya.
 
Iya mega madah, bantu entudi nya mega deka diberi pengudah raban sida nerima penerang silik ari Komiti Penyangga Penusah Pelilih Kanowit pasal utai diguna sida ke tasah nya.
 
Tambah beliau, bantuan susulan juga akan disalurkan selepas pihaknya menerima maklumat lanjut daripada Jawatankuasa Pengurusan Bencana Daerah Kanowit mengenai keperluan semasa mangsa banjir.
 
Berebak enggau nya, iya mega ngelalau perana ti diau ba endur baruh sereta semak tebing sungai seruran bejaga enggau tikas ai sereta ngasi ke gerah raban bekuasa enti sema dipinta pindah ke PPS dikena nyamin pengelikun sida.
Sama datai ba pejalai nya pengari agensi perintah, Sapit Chairman PRS Bagi Menua Ngemah, Ramba Resang, sereta Kapitan Kong Chak Fui.-EDISI UKAS