KUCHING: Songket Sarapride, Palan Vokasional Industri (PVI) ba Rumah Jil Puncak Borneo ditu, ngait ati Tengku Permaisuri Selangor, Tengku Permaisuri Hajah Norashikin.

Tengku Permaisuri Hajah Norashikin datai dia meda pengawa nenun kain songket.

Penatai Baginda urung pukul 10 pagi, Hari Empat disambut bini Sapit Menteri Dagang Temuai, Industri Kreatif enggau Seni Pemerindang Sarawak II, Datin Melinda Claudia Bucking.

Sama bisi datai maya nya Chairperson Sarawak Media Group (SMG) Dato Norhyati Ismail, Chairperson Opis Servis Kereja Perintah Nengeri Sarawak Datu Dr Sabariah Putit enggau Direktor Opis Main Asal enggau Seni Menua (JKKN) Sarawak Noor Seela Noor Sulaiman.

Program nemuai Tengku Permaisuri Hajah Norashikin maya nya dipunka enggau aum penerang ti dikenataika Penulung Tuai Unit Vokasional Industri Rumah Jil Puncak Borneo Inspektor Zul Fikri Muhamat.

Awak nya bela dikena Baginda meda tenun songket ke udah tembu.

Urung sejam dia, Baginda nangkan nya nemuai ngagai Kek Lapis Warisan Sdn Bhd. -EDISI UKAS