KUCHING: Duli Yang Maha Mulia Tengku Permaisuri Selangor Tengku Permaisuri Hajah Norashikin udah datai ba Padang Bilun Antarabansa Kuching (LTAK) beserimbai program nemuai tiga hari ke Kuching, Hari Dua.

Penatai Baginda ngena bilun khas urung 11.50 pagi disambut bini Speaker Kunsil Nengeri (DUN) Sarawak, Puan Sri Datin Amar Fatimah Mohamad Iskandar.

Tengku Permaisuri Norashikin dipadahka deka ngulu Pengerami Bejadi Ekspo Kraf Borneo enggau Konferens Antarabansa 2024 (BCG2024) ba Waterfront Hotel ditu, Hari Tiga.

Nangkan nya, Baginda deka nemuai ngagai Palan Jelu Siga Semenggoh.

Kena Hari Empat, Baginda dipadahka deka nemuai ngagai Palan Vokasional Industri (PVI) Songket Sarapride ba Rumah Jil Kraf Borneo lalu ditangkan enggau program nemuai ngagai Kek Lapis Warisan Sdn Bhd.

Ngalihka lemai, tusun pejalai Baginda deka nemuai baru ngagai Ekspo Antarabangsa Kraf Borneo lalu muakka lemai program diteruska enggau pengawa ngulu Pengerami Makai Lemai BCG2024.

Tengku Permaisuri Norashikin dipadahka deka mulaika diri kena Hari Lima, pukul 12.40 ngalih hari. -EDISI UKAS