Servis Kereja Perintah Sarawak Nerima Anugerah Khas
Disiarkan pada 08 Nov 2024
Sumber Berita: UKAS
KUALA LUMPUR: Servis Kerja Perintah Sarawak sekali agi ngayanka penyulut sepengudah nerima Anugerah Khas ba Pengerami Sirim Industri 2024.
Basa tu diberi berindik ari penyulut Servis Kereja Perintah Sarawak ke udah dipasuk ba Malaysia Book of Records ketegal pemujur bejalaika Sistem Pengawa Ngatur Kualiti MS ISO 9001:2015.
Pemujur tu mega ngayanka pengeransing Sarawak ba pengawa nyungkak penyikar enggau kualiti pengatur servis kereja perintah dikena nentuka servis nya ulih nangkup guna enggau peminta rayat.
Sapit Sekretari Perintah Sarawak (Operasyen) Datu Hii Chang Kee ti ngarika Servis Kereja Perintah Sarawak madah, basa tu ngayanka pengeransing Servis Kereja Perintah Sarawak semampai nyungkak servis kereja perintah ti bekualiti ungkup pengelantang rayat.
“Pemujur tu nyadi peransang dikena kitai ngulih mayuh agi pemujur lalu dikena nentuka tiap iti opis enggau agensi ngemeranka pengawa ti komprehensif,” ku iya madah nengah penerang media, kena Hari Empat tu tadi.
Kelimpah ari nya, Direktor Unit Transformasyen enggau Inovasyen Sarawak (STIU) Superi Awang Said madah, pemujur tu asil ari pemeras ngemeranka inovasyen enggau integriti ba servis kereja perintah.
Ku iya, orang kereja perintah Sarawak berasai temegah ati lalu ransing deka ngembing transformasyen ti pulaika penguntung ngagai rayat enggau pemansang nengeri Sarawak. -EDISI UKAS
