Hari Kereja & Pelajar Pelasar Pemadu Manah Dikena Nyadung Berita Pengawa Puang
Disiarkan pada 08 Nov 2024
Sumber Berita: UKAS
MARUDI: Hari Kereja enggau Pelajar nyadi pelasar pemadu manah dikena nyadung penerang bekaul enggau pengawa puang ngagai nembiak ke udah tembu besekula.
Sapit Menteri Pengerai Mensia Mayuh, Pengawa Berumah enggau Perintah Menua Sarawak Datuk Dr Penguang Manggil madah, program tu meri awak ngagai bala nembiak dikena sida nampung pelajar enggau nambah pengelandik diri.
“Aku ngarapka bala nembiak ulih ngambi peluang tu ngulihka penerang pemadu baru bekaul enggau institusyen pelajar.
“Tu nyadi chara enggau peluang dikena sida ngulih penerang bekaul pengawa nampung pelajar enggau ngulih pelajar ke tinggi agi ke dipelanja Yayasan Sarawak,” ku iya madah.
Iya madah munyi nya maya bejaku ba Hari Kereja enggau Pelajar sereta Hari Tebuka ditu, kena Hari Empat tu tadi.
Kaban Kunsil Nengeri (ADUN) Marudi nya mega andal amat mensia mayuh ulih nempaa kaul enggau bala pengajar baikka di sekula tauka opis pelajar di Marudi ba tuju ngulihka berita pemadu baru.
Iya mega meransang bala nembiak ngambika landik belajarka Jaku Inggeris laban nya nyadi jaku antarabansa ke dikena besemekih lebih agi dikena ngiga pengawa.
Sama bisi datai maya nya pengari Direktor Yayasan Sarawak Safina Abdul Rahman enggau Pegawai Pelajar Pelilih Baram Matthew Laing Ngau. -EDISI UKAS
