Sultan Brunei Datai Di Kuching, Ngulu Pengerami Regatta Sarawak
Disiarkan pada 03 Nov 2024
Sumber Berita: UKAS
KUCHING: Sultan enggau Yang Di-Pertuan Negara Brunei Darussalam Paduka Seri Baginda Sultan Hassanal Bolkiah Mu’izzadin Waddaulah Ibni Al-Marhum Sultan Omar ‘Ali Saifuddien Sa’adul Khairi Waddien udah datai di Padang Bilun Antarabansa Kuching urung pukul 12.30 Ngalihari, Hari Minggu.
Penatai iya disambut Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar, Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg, Sapit Premier Sarawak Datuk Amar Awang Tengah Ali Hasan sereta Sekretari Perintah Sarawak Datuk Amar Mohamad Abu Bakar Marzuki.
Penatai Baginda di Kuching deka ngulu Pengerami Penangguh Regatta Sarawak 2024 di Tebing Sungai Kuching ba hari kepenudi sehari tu.
Tun Pehin Sri Dr Wan Junaidi Tuanku Jaafar enggau Datuk Patinggi Abang Zohari disadang ngulu pengerami nangguh tu.
Sehari tu deka ngemata Sarawak Regatta 2024, enggau 14 lumba kepenudi ke deka ngerichah pengerami nya.
Sultan Hassanal Bolkiah disadang mulai ke diri lemai tu urung pukul 7.30 lemai tu. -EDISI UKAS
