Mohd Firdaus, Fatin Syaza Champion Pekit Lagu Asli, Gerup I-Cats Performing Arts Menang Tandak
Disiarkan pada 03 Nov 2024
Sumber Berita: UKAS
KOTA SAMARAHAN: Pekit Tandak enggau Lagu Melayu Asli Renggat Zon Selatan ke-34 diatur enggau richah, kena malam Hari Enam tu tadi.
Pekit ke diatur Kaunsil Seni Sarawak (MSS) tu mandangka Mohd Firdaus Abu Bakar dipadu gela champion ungkup kategori lelaki lalu Fatin Syaza champion ba kategori indu.
Pemujur nya mega udah ngemendarka seduai nya mai pulai perais mata duit sepenyampau RM1,500 besereta trofi.
Nangkan nya, Gerup I-Cats Performing Arts udah menang pekit tanda main asal suku raban bansa Melanau enggau tandak kreatif etnik udah mujur mai perais mata duit sepenyampau RM3,500 besereta trofi.
Pengawa nyuaka perais nya udah dipenyadika Sapit Residen Bagi Menua Samarahan Rais Ahmat.
Sama bisi datai, Direktor Institusyen Seni Kreatif enggau Teknologi Universiti Malaysia Sarawak (UNIMAS) Profesor Dr Hasnizam Abdul Wahid, pengari MSS Easter Nelson, Pegawai Pelilih Asajaya Jerry Zannuddin Bidin, Temenggong Komuniti Melayu Bagi Menua Samarahan Chek Bujang sereta temuai ke bukai. -EDISI UKAS
