Pengawa Nyadi Agregator Gas Tunggal: Randau PETRONAS & PETROS Benung Dipejalai
Disiarkan pada 01 Nov 2024
Sumber Berita: UKAS
KUCHING: Perintah Sarawak madahka pengawa berandau entara Petroliam National Berhad (PETRONAS) enggau Petroleum Sarawak Berhad (PETROS) bekaul enggau atur agregator gas tunggal ba Ordinan Nyadung Gas, 2016 agi dipejalai.
Ku Menteri Utiliti enggau Telekomunikasyen, Dato Sri Julaihi Narawi, Perintah Sarawak sekali agi madah, nengah Ordinan nya, PETROS udah dichiri nyadi agregator gas tunggal.
Nengah siti penerang sehari tu, ku iya, nadai agregator gas bukai dichiri megai pengawa nya di nengeri tu.
Ku iya, Perintah Sarawak madahka, pengawa berandau entara PETRONAS enggau PETROS bekaul enggau pekara nya deka ditetapka enda lama agi. -EDISI UKAS
