Datuk Amar Douglas Uggah Ngabang Diwali
Disiarkan pada 01 Nov 2024
Sumber Berita: UKAS
KUCHING: Sapit Premier Sarawak, Datuk Amar Douglas Uggah Embas enggau bini, Dato Doreen Mayang udah ngulu Pengerami Merarau beserimbai Diwali ke diatur Presiden Gerempung Kuil Sri Maha Mariamman Kuching, Dato Shankar Ram Asnani ditu, kena Hari Empat tu tadi.
Nangkan nya, iya mega ngabang Diwali ke diatur Presiden Gerempung Tokong Sikh Sarawak, Datuk Dr. Kalwinder Singh Khaira.
Maya dirandau, Datuk Amar Douglas madah, pengawa nyambut macham bansa hari besai nyengkaum Deepavali nyadi pemun ngagai pengaya daya idup ke dikembuan Sarawak.
"kitai patut ngenan penyerakup enggau penyelai ke bisi di Sarawak.
"Pengawa ngabang hari besai meri kitai awak negapka agi pemanah kaul enggau pangan diri," ku iya madah ngagai media.
Nambahka jaku iya, Datuk Amar Douglas madah, pengawa ngabang baka nya tau bendar nyintalka agi kaul enggau pangan diri enda ngira jalai pengarap, bansa sereta daya idup. -EDISI UKAS
