Negap Dagang Temuai Menua Nengah Daya Idup, Kerejasama
Disiarkan pada 26 Oct 2024
Sumber Berita: UKAS
KUCHING: Ejensi enggau malin temuai dikeandal ulih bejalaika tanggungpengawa beguna endar nyadi pemain industri dalam ngenegapka sektor dagang temuai lebih agi ba rantau ASEAN.
Sapit Menteri Dagang Temuai, Industri Kreatif enggau Seni Pemerindang Sarawak, Datuk Sebastian Ting Chiew Yew madah, penegap sektor dagang temuai dilempai ba tandan bau semua raban ba pengawa ngelaku produk sida empu.
Ku iya, kerejasama rat ti strategik beguna endar dikena nentuka pengawa ngangkat dagang temuai di ASEAN ulih mujur dipejalaika ti mungkur mayuh sukut.
“Kita semua jematan entara daya idup enggau orang ke betusi kaul temuai ngagai jiwa pengidup kami.
“Kitai deka nentuka rantau tu seruran nyadi palan besai di selampur dunya,” ku iya madah.
Iya madah munyi nya ba Malam Gala Kongres Driba Temuai ASEAN 2024 di Hotel Imperial Kuching ditu, kena Hari Lima tu tadi.
Kongres tu digulu 570 iku penyereta diligit ari Brunei, Filipina, Ireland, Indonesia, Malaysia, Singapore enggau Vietnam.
Nya serimbai enggau pengawa atur Lumba Bot Naga Antarabansa Sarawak 2024 di Tebing Sungai Kuching ke digulu ari 22 buah menua ari selampur dunya, berengkah ari 25 nyentuk 27 Oktober tu.
Sama bisi datai, Chairman Pengatur Program, Edwin Lim Ghim Ang sereta temuai dipebasa ke bukai. - EDISI UKAS
