VTP Pelasar Transformasyen Peranak Genturung Pendiau Nuju Pemansang
Disiarkan pada 26 Oct 2024
Sumber Berita: UKAS
KAPIT: Village Transformation Programme (VTP) Siri 4/2024 Sitak Kapit nyadi Pelasar ke engkeman dikena ngubah rumah panjai enggau genturung pendiau asal nyadi genturung pendiau ke maju.
Pengari Tuai Pegawai Eksekutif Palan Penyulut Sarawak (CENTEXS) Andrew Emparan madah, kerejasama entara Unit Matau Pengatur Sarawak (SIMU) enggau CENTEXS beguna endar nengah pengawa meri kus, latih enggau pelajar ngagai bala penyereta dikena nambah pengulih betatika diri ba ekonomi enggau pemansang diri.
“Inisiatif tu asil ari SIMU enggau Opis Residen dikena ngubah rumah panjai enggau genturung pediau asal nyadi genturung pendiau ke maju ba mayuh sukut baka fizikal, ekonomi enggau pemansang modal mensia,” ku iya.
Iya madah munyi nya maya bejaku ba Pengerami Nangguh Village Transformation Programme (VTP) Siri 4/2024 Sitak Kapit ditu, kena Hari Lima tu tadi.
Andrew Emparan madah, inisiatif Perintah Sarawak deka nyendiaka pengelandik ke ulih mantu ngulihka penatai tambah ngagai penyereta kelimpah ulih ngangkat sereta ngemansang mensia mayuh ba menua dia.
VTP Siri 4/2024 nyadi program kepenudi ba taun tu ke udah ngaul 44 iku penyereta lalu deka ditampung ba taun 2025 ba empat endur bebida.
Di sitak Kapit udah nyendiaka dua bansa kus pratikal iya nya Kus Nanam Nengah Chara Fertigasyen enggau Hidroponik sereta Kus Krafjari Manik Loom enggau Sugu Tinggi. -EDISI UKAS
