KUCHING: Foodunites nyadi siti inisiatif nyelinting pengawa mantai enggau ngelala pemakai asal pupu etnik kelebih agi ngagai rebak biak di Sarawak.
Menteri Pemansang Indu, Nembiak Mit Enggau Pengelantang Komuniti Sarawak, Dato Sri Fatimah Abdullah madah, program nya diatur serimbai ngintu minggu Penyerakup Renggat Nengeri Sarawak sereta setipak enggau pengerichah bulan Syawal.
Iya madah, program nya mantaika bemacham bansa pemakai etnik nengah pengawa mandang Rumah Kami ke ngena sulu jaku ngelagu enggau dekorasyen bepelasarka 11 bansa etnik iya nya Melayu, Iban, China, India, Bidayuh, Melanau, Rara, Jawa, Bugis, Kedayan enggau Orang Ulu.
Iya bejaku munyi nya lebuh ngulu Pengerami Nerima Pengabang Aidilfitri enggau Foodunites Sarawak 2024 serimbai ngintu minggu penyerakup di Kuching kena malam Hari Minggu.
Iya madah baru, program nya mega nerenak ulah bebatak asur raban bansa nengah pejalai Pengerami Nerima Pengabang Hari Raya Aidilfitri lalu negutka tanggam kaul ke nyamin pengelantang menua.-EDISI UKAS
