BALAI RINGIN: Balai Mayuhguna Kampung Padang Bilun beungkus RM300,000 udah tembu diadu.
Sapit Menteri Dagang Temuai, Industri Kreatif enggau Seni Pemerindang Sarawak, Datuk Snowdan Lawan madah, balai mayuhguna nya udah tembu diadu nengah projek Program Transformasyen Menua Pesisir (RTP).
Iya mega madah ke sekeda balai mayuhguna enda tembu diadu sida ngena penyampau duit nya.
"Aku deka beratika tetiap agih belanja nengah RTP nya diguna sida enggau sistematik sereta manah.
Iya nerangka pekara nya maya bejaku ba Pengerami Bejadika Balai Mayuhguna Kampung Ensebang Padang Bilun di Balai Mayuhguna Rumah Bita Ringkos, Hari Enam tu tadi.
Iya ke mega Kaban Kunsil Nengeri (ADUN) Balai Ringin mega bisi langgur deka ngangkatka Balai Ringin nyadi pelilih menua.
Nangkan nya, sitak Pelilih Balai Ringin mega udah ngembuan perengkaguna ti chukup manah baka sekula, kem sedadu, kilinik pengerai, stadium mit enggau ke bukai.
Sama bela datai maya pengerami nya, Temenggong Dato’ Harrison Lunsa, Pegawai Tadbir Kuasa Opis Pelilih Mit Balai Ringin Mohammad Adam Muslim, Penghulu Sitak Balai Ringin Lama Bungkol, Penghulu Pelie Jumbu, Penghulu Anthony Lama, Kaunsilor Briten, Kaunsilor Collin enggau tuai rumah genturung pendiau ke bukai -EDISI UKAS
