PADAWAN: Perintah Sarawak nengah Kaban Kunsil Nengeri (ADUN) Mambong, Datuk Dr Jerip Susil udah ngemendarka agih belanja sepenyampau RM150,000 dikena nyeleti Jalai Kampung Biya Parang.
Ku iya, pengawa nyuaka agih belanja nya dikena nyungkak industri dagang temuai enggau betanam betupi ba sitak nya.
Iya mega madah, agih belanja nyengkaum skop projek nyeleti jalai batu ba genturung pendiau nya ngagai jalai belakin dikena ngemuntangka akeses jalai alun dia.
Iya nerangka pekara nya maya Pengawa Bejadika Palan Muai Uras enggau Ngena Baru sereta Pengerami Nutup Berupan Perdana Meresi Sungai Kampung Biya Parang, Hari Enam tu tadi.
Berebak enggau nya, iya ke mega Sapit Menteri Pengangkut (Jalai enggau Langit) nyemetak madah ke Peranak Kampung Biya Parang sereta genturung pendiau ba sitak Pebiya nyaga pemeresi rampa menua enggau sungai sida.
Sama datai, Pegawai Tadbir Opis Pelilih Mit Padawan Julius Scott Sapong, Pemancha Bidayuh Pelilih Kuching Raymond Jihap, Tuai Bansa Kampung Biya Parang Megeng enggau Penghulu Sitak Annah Biya Dorong Kabut. -EDISI UKAS
