‘Kita Festival’ Mandang Pemakai & Daya Idup Asal Sarawak
Disiarkan pada 08 Oct 2024
Sumber Berita: UKAS
KUCHING: Pengawa ngatur ‘Kita Festival’ tau bendar mandangka bansa pemakai sereta daya idup ke dikembuan rayat pupu bansa di Sarawak.
Sapit Menteri Pengeraja Asal enggau Pemeruan Rampa Menua Dato Sri Huang Tiong Sii madah, pengerami nya bela dipeda ulih negap kaul rayat di nengeri tu.
"Pemayuh bansa pengerami udah diatur, pengerami pemakai siti pengerami ke suah nerima sambut ke chukup manah.
“Nya alai, ba penemu aku pengerami makai ulih meri empas ti signifikan enggau positif ba pemansang komuniti kitai.
“Pengerami tu mega ulih nyaup nambah ekonomi menua lalu udah diaku sebagi ari pengawa ti efektif ba pemeras kitai ngelaku sereta ngangkat dagang temuai menua,” ku iya madah.
Iya madah munyi nya maya bejaku ba Pengerami Bejadika ‘Kita Festival’ ditu, kena Hari Satu tu tadi.
Berebak enggau nya, iya bisi ngungkupka pemeri belanja ngagai Gerempung Gerakan Pemansang Kota Padawan ti nyadi komiti pengatur pengerami
Nangkan nya Kaban Kunsil Nengeri (ADUN) Batu Kitang Dato Ir Lo Khere Chiang madah, ‘Kita Fest’ mai reti ‘Penyerakup Kitai’.
Ku iya, rayat patut nemu pengawa diri ke ulih nyaup ngerapit kaul enggau pangan diri.
Sama datai maya nya Senator Dato’ Ahmad Ibrahim enggau Leftenan Jeneral (R) Datuk Stephen Mundaw. -EDISI UKAS
