Pengerami Tanglung Nerenak Penyerakup, Ngangkat Daya Idup Asal
Disiarkan pada 04 Oct 2024
Sumber Berita: UKAS
MATU: Inisiatif Sekula Primari China (SJK) Chung Hua Matu enggau komuniti menua nya begulai ngatur Pengerami Tanglung patut nyadi chunto.
Kaban Parlimen Igan Ahmad Johnie Zawawi, program nya ukai semina nerenak penyerakup tang ngangkat daya idup asal.
Iya madah munyi nya maya bejadika pengerami nya ke diatur ba SJK Chung Hua Matu ditu, kena Hari Empat tu tadi.
Lebih 300 iku mensia mayuh bisi datai ngerichah program ninting taun nya.
Macham bansa program bisi diatur baka pekit bansal pemakai enggau pekit tanglung.
Pengawa bejalai bebala mayuh nyadi batang pengerami malam nya.
Dikena mandangka sukung iya, Ahmad Johnie bisi nyua pemeri sepenyampau RM36,000 ngagai pengatur sekula enggau bela RM5,000 ngagai PIBG enggau Kaunsil Pengatur Sekolah SJK Chung Hua, Matu. - EDISI UKAS
