50 Tim Udah Ngulu ‘Amazing Race’ MAKSAK Indu Sarawak 2024
Disiarkan pada 28 Sep 2024
Sumber Berita: UKAS
KUCHING: Sepenyampau 200 penyereta ari 50 tim udah ngulu pekit ‘Amazing Race’ Kaunsil Pengintu Pengelantang enggau Lumba Raban Perintah (MAKSAK) Indu Sarawak 2024, ti berambaika jaku ‘Kampungku’ ke diatur ba Kelab Golf Sarawak (KGS) ditu, Hari Enam.
Program ninting taun ke diatur Exco MAKSAK Indu Sarawak nya udah berengkah pukul 7.00 pagi sesi senamrobik, sepengudah tembu pengawa ngerejista bala penyereta.
Bini Yang di-Pertua Negeri Sarawak ke mega Penaung MAKSAK Indu Sarawak, Toh Puan Fauziah Mohd Sanusi bela ngulu program nya, sereta bejadika simbolik pemungkal lumba urung pukul 8.00 pagi.
Sama bisi datai, bini Speaker Dewan Kunsil Nengeri (DUN) Sarawak Puan Sri Datin Amar Fatimah Mohamad Iskandar, Chairman MAKSAK Indu Sarawak Datin Amar Baduyah Bujang, Chairperson Biro Pelajar MAKSAK Indu Datin Fauziah Mardiana Sepawi, Chairperson Biro Pengintu Pengelantang MAKSAK Indu Datin Sharifah Aminah Wan Mohamad, Chairperson Biro Sosial Tres Andrew Taki, Wang Turu MAKSAK Indu Gladys Lim enggau Sekretari Dipebasa Exco Indu Sarawak Norhayati Mornie.
Baka organisasyen ke suba, tiap tim bisi empat iku penyereta indu ke dipinta ngena perengka pengangkut ngiga kelai sepemanjai pejalai ke udah ditetap, bemalinka atur ke diberi dalam timpuh empat jam nyentuk pukul 11.00 pagi.
Ba edisyen sekali tu, perais mata duit sepenyampau RM15,000 deka diberi ngagai 18 iku pemenang, nyengkaum RM2,000 ngagai gela champion. -EDISI UKAS
