‘Program MADANI Rakyat 2024’ Nyelinting Nembiak & Belanja Idup Rayat
Disiarkan pada 28 Sep 2024
Sumber Berita: UKAS
MIRI: Program MADANI Rakyat (PMR) 2024 Sarawakku Sayang diatur berengkah 27 nyentuk 29 September tu nyelinting raban nembiak enggau belanja idup rayat.
Sapit Menteri Besai Dato Sri Fadillah Yusof madah, pengawa tu udah ngaul lebih 50 reruai servis ungkup rayat di nengeri tu.
Ku iya, PMR 2024 Sarawakku Sayang tu diatur begulai enggau ejensi Perintah Besai enggau Perintah Sarawak.
“Pekara ti diselinting kami sekali tu iya nya raban nembiak enggau belanja idup rayat. Pia mega, bisi 50 reruai servis udah disediaka kami enggau Sarawak Kitchen ungkup rayat Sarawak kelebih agi di menua Miri,” ku iya.
Iya madah munyi nya maya seksyen randau begulai enggau Radio Televisyen Malaysia (RTM) di panggau besai MADANI Rakyat, Hari Enam.
Kelimpah ari nya, nengah seksyen randau enggau RTM nya mega ulih ngelakuka agi Program MADANI Rakyat (PMR) 2024 Sarawakku Sayang ke diatur Opis Menteri Idar Kuasa enggau Transformasyen Ai (PETRA).
Berebak enggau nya, Dato Sri Fadillah mega ngelimpangka diri ngelawa reruai palan pemandang seraya berandau enggau bala pemandang sereta mendingka penerang rumpas ke udah diberi. -EDISI UKAS
