Sarawak Bulih Dua Midul Emas Ba Olahraga
Disiarkan pada 27 Sep 2024
Sumber Berita: UKAS
KUCHING: Ba hari kepenudi olahraga kontinjen Sarawak mujur bulih dua midul emas Para Lumba Malaysia (SUKMA) XXI Sarawak 2024 ke diatur di Stadium Sarawak, Hari Lima.
Midul emas keterubah datai ari Chong Cheng Tat ba kategori ‘lempar cakera’ lelaki F34 enggau penyauh 19.02 meter.
Atlit Johor Muhamad Nazir Aliman maya nya bulih midul pirak lalu ditangkan atlit Kelantan Hazrin Che Hassan bulih midul engkeraju.
Midul emas kedua enggi Sarawak datai ari Marshall Lu Canner ba kategori ‘merejam lembing’ lelaki F33 enggau penyauh 12.68 meter.
Midul pirak diempu Zafri Zulkifli ari Selangor lalu midul engkeraju diempu Jeffery Angai ke mega ari Sarawak enggau penyauh 8.11 meter.
Pengawa nyuaka midul dipenyadi Sapit Premier Sarawak Datuk Amar Prof Dr Sim Kui Hian.
Kelimpah ari nya, tim Sarawak mega bulih siti midul pirak enggau dua midul engkeraju.
Atlit Sarawak, Khairulnizam Engkeh bulih midul pirak ba main 'lompat jauh’ lelaki T37.
Lalu midul engkeraju diempu Tomson Lim Kok Hong enggau Jeffery Enggai ‘lempar cakera’ lelaki F37. -EDISI UKAS
