Lawn Bowls: Tim Sarawak Menang
Disiarkan pada 26 Sep 2024
Sumber Berita: UKAS
KUCHING: Tim Lawn Bowls Sarawak mandangka penyulut sida iya di Arena Lawn Bowls enggau pemujur ke besai ba sekeda kategori solo lelaki.
Kemari, Azizie Suip mujur ngelaban Muhamad Ayup Mohd, atlit ari Pahang ba kategori Solo Lelaki B2 Kumpulan G.
Sekali tu, iya nempa pemujur ngelaban Samsudin Mohd Bashah ari Perak enggau pemutus 21-0.
Pemujur nya ngenegapka penuduk Azizie ngagai renggat nangkan nya.
Berebak enggau nya, Rustam Effendy Umar, ba kategori sebaka, ngelaban pemain Johor, Mohd Noor Hafizan Ahmad Jais 17-5.
Ba kategori Solo Lelaki B7 Kumpulan J, Mohamad Shukri Twkino ngalahka Mohamad Ammirul Fadzil Yusof ari Perak enggau pemutus 21-12.
Taja pia, ba kategori Solo Lelaki B6 Kumpulan F, Nischal Nicholas Bujang alah ngelaban Johor, Mohd Hamdan Sidek 9-17.
Pengulih tim Sarawak ba sekeda kategori lawn bowls amat ngemegahka. -EDISI UKAS
