Andy Lau Nempa Rikod Baru Ba 1500 Meter Lelaki T1 Para SUKMA
Disiarkan pada 23 Sep 2024
Sumber Berita: UKAS
KUCHING: Andy Lau Sie Hui ke gawa ba Sarawak Energy udah nempa rikod baru ba 1500 meter kategori T1 Para Lumba Malaysia (SUKMA) 2024.
Iya ngerikod 5:19:82 minit, ngelui ari rikod lama ke enggi Ranggong Unggang taun 2010 suba.
Andy Lau, ke beumur 30 taun, mulaika pengingat iya kenyau ke udah enggau Para SUKMA ari umur 18 taun.
“Aku enggau Para SUKMA ari umur aku 18 taun, lalu diatu aku udah 30 taun. Nyengkaum sehari tu, aku udah bulih lima midul emas.
“Tu nyengkaum ngambi bagi ba pelanda 1500 meter, 800 meter enggau 400 meter. Serak tu, aku nagit bulih tiga midul emas,” ku iya madah.
Ba pekit nya, Muhamad Fahmi Daniel ari Johor bulih midul pirak, lalu siku agi atlit Sarawak, Simon Etam Emang bulih midul engkeraju.
Pengawa nyuaka midul nya udah dipenyadika Menteri Pemansang Indu, Nembiak Mit enggau Pengelantang Komuniti Sarawak, Dato Sri Fatimah Abdullah disempulang Sapit Menteri Pemansang Pengelikun Komuniti Datuk Mohammad Razi Sitam.-EDISI UKAS
