MULU: Pengawa ngabang ngagai Pengerami Nerima Pengabang di Sarawak ulih negapka agi kaul pupu raban bansa.
Sapit Menteri ba Opis Premier Sarawak (Orang Gawa, Imigresen enggau Matau Projek) Datuk Gerawat Gala madah, rayat pupu bansa enggau jalai pengarap bela ngasai sereta ngerami tiap bengkah hari besai di nengeri tu,
Iya madahka pekara nya maya ngabang Aidilfitri di Kampung Seberang Lubok Nibong ditu, Hari Dua tu tadi.
Nambahka jaku iya, Datuk Gerawat mega madah, genturung pendiau nya mega semina siti aja genturung pendiau diwan bansa Melayu di konstitusyen Mulu.
Ba pengawa nya, iya ke mega Kaban Kunsil Nengeri (ADUN) Mulu bisi nyua pemeri ngagai orang tuai enggau nembiak mit beserimbai Hari Raya Aidilfitri 2024.
Bela datai maya nya Sekretari Politik Premier Sarawak Dominic Nyurang, Pemangku Pegawai Pelilih Marudi Rose Edward Tarang, Chairman Opis Kaunsil Pelilih Marudi Kaunselor Edward Mendai sereta Tuai Raban Bansa enggau Genturung Pendiau (KMKK). -EDISI UKAS
