Penyerakup Elemen Beguna Ngemansang Menua
Disiarkan pada 16 Sep 2024
Sumber Berita: UKAS
SPAOH: Penyerakup nyadi elemen beguna dikena nempa menua maju.
Nitihku, Sapit Premier Sarawak Datuk Amar Douglas Uggah Embas, genap menua patut ransing nentuka penyerakup tu terus dikembuan dalam komuniti ngambi Malaysia diaku nyadi menua maju enggau ngembuan rayat bisi runding kelas satu.
Kaban Kunsil Nengeri (ADUN) Bukit Saban nya madah, nengah penyerakup menua enggau rayat deka mansang enggau semangat ulah menyana, penaluk sereta pengangkun ke menua deka terus ditan begulai.
Iya nibar jaku nya lebuh bejadika Program Kembara Merdeka Jalur Gemilang 2024 Renggat Pelilih Betong, kena Hari Enam tu tadi.
Bemacham aktiviti diatur dikena ngisi program diatur Opis Pemadah Malaysia Pelilih Betong ke diatur ba Balai Komuniti Spaoh.
Sama datai, Kaban Parlimen Betong Dr Richard Rapu, Residen Sitak Betong Richard Micheal Abunawas, DirektorPemadah Sarawak Ke Nyadi Tuai Konvoi Kembara Merdeka Jalur Gemilang 2024 Helmy Hamid, Pegawai Pelilih Betong Alfred Geling Ason sereta bala tuai raban bansa ke bukai.-EDISI UKAS
