BINTULU: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg udah datai ngerichah Pengerami Ramah Tamah ke diatur Opis Pemansang Bintulu (BDA) ditu, Hari Tiga.
Pengerami nya ke diatur ba Paragon Street Mall, Bintulu bela digulu rayat pupu raban bansa enggau jalai pengarap.
Bala mayuh ke bisi datai bela dinah enggau macham bansa pemakai hari raya.
Dulu ari nya, BDA bisi nyuaka pemeri bela RM5,000 ngagai Gerempung Anak Bulan Merah Pampang Bintulu enggau Palan Latih Dalam Komuniti Gemilang.
Bela datai maya pengerami nya Speaker Kunsil Nengeri (DUN) Tan Sri Datuk Amar Mohamad Asfia Awang Nassar, Menteri Pemansang Raban Indu, Nembiak Mit Enggau Pengelantang Komuniti Sarawak, Dato Sri Fatimah Abdullah, Menteri Ba Opis Premier Sarawak, Dato Sri John Sikie Tayai, Sekretari Perintah Sarawak Datuk Amar Mohamad Abu Bakar Marzuki, Sapit Menteri Ba Opis Premier Sarawak (Undang-Undang, Ma63 Enggau Kaul Nengeri-Perintah Besai) Datuk Sharifah Hasidah Sayeed Aman Ghazali, Sapit Chairman BDA Dato Haidar Khan sereta bala pemesai ke bukai.
