KAPIT: Kaban Kunsil Nengeri (ADUN) Baleh, Nicholas Kudi nandu program bejalaika pengawa iya di Rumah Jimmy Jarau enggau Rumah Rumpun di Nanga Sekeroh Tengah, Sungai Oyan ditu, Hari Dua tu tadi.
Ba Rumah Jimmy Jarau, iya madahka perintah semampai deka mantu peranak rumah panjai lebih agi di menua pesisir.
Ketegal nya, iya minta rayat ulih ngena pemeri ari perintah dikena ngaduka rumah panjai enggau manah.
Maya ba Rumah Rumpun, iya nerima peminta ari tuai rumah ngaga jalai seberai rumah dipuntangka mimit ngambika mansa tekat ai sida.
Peminta nya bela nyengkaum ngaga jalai simen ngelawa pendai sida.
Nicholas madahka diri deka mutar peminta nya kelimpah minta Opis Kereja Raya (JKR) ngaga keretas kereja projek. -EDISI UKAS
