SMK Paku Deka Nyadi Sekula Angkat Geopark
Disiarkan pada 11 Sep 2024
Sumber Berita: UKAS
BAU: Tim Kereja Pelajar enggau Komiti udah ngatur Program Penerang Geotalk Ungkup Sekula Angkat Sarawak Delta Geopark di Sekula Sekondari (SMK) Paku ditu, kena Hari Dua tu tadi.
Sarawak Delta Geopark (SDGp) udah diaku nyadi Geopark Nasional Ke- 6 ari Komiti Geopark Nasional kena 20 Jun 2022 enggau pemesai 311,246 hektar ti mungkur Pelilih Kuching, Pelilih Bau, Pelilih Mit Padawan sereta Pelilih Mit Siburan.
Berebak enggau nya, Tim Kereja Pelajar enggau Komiti Sarawak Delta Geopark ti betuaika Residen Sitak Kuching deka nyiri SMK Paku nyadi Sekula Angkat Geopark seriris enggau definisyen UNESCO Global Geopark (UGGp).
SMK Paku dipadahka bisi ngembuan geopark ke manah ketegal dikelingi batu mineral ke udah beumur bejuta taun.
Program tu nyadi chara pemadu manah ngagai komuniti sereta rebak biak mereti pemesai guna geopark ngagai Sarawak.
Nengah program tu mega ulih meri empas ke positif ba penegap enggau penyungkak penemu bala nembiak bekaul rampa menua, sejarah penumbuh geologi enggau pesaka asal ngambika dikelala dunya.
Sama bisi datai maya nya, pengari Pegawai Pelilih Bau Raymond Jayasurya Jayaseelan, Prinsipal SMK Paku Anek Anpok enggau pengari Residen Sitak Kuching Joseph Liaw. -EDISI UKAS
