Dato Hajjah Hanifah Nemuai Gawa Ngagai CRAUN Research Mukah
Disiarkan pada 11 Sep 2024
Sumber Berita: UKAS
MUKAH: Kaban Parlimen P213 Mukah ke mega Sapit Menteri Ekonomi Malaysia, Dato Hajjah Hanifah Hajar Taib nemuai gawa ngagai CRAUN Research Mukah ditu, kena Hari Dua tu tadi.
Maya nya iya mendingka penerang bekaul projek biogas ari repu mulung ke nyadi projek nganti gas konvensional.
Maya dirandau media, iya madah, pengelebih mulung patut dipansik enggau silik laban bisi pengulih dibai ngagai renggat ke tinggi agi.
Ku iya, repu mulung nya beguna amat lebih agi dikena mensia mayuh di menua nya empu nyegkaum dikena nyumai.
Berebak enggau nya, Dato Hanifah mega bisi nemuai ngagai sebuah rumah di Kampung Teh ke udah ngambi bagi ba projek nya.
Iya nerima timbal manah sereta nyukung inisiatif tu ngagai Mukah enggau mensia mayuh, ke lebih agi ngagai Sarawak nuju pemeruan rampa menua sereta ngena pun penatai kuasa alternatif enggau kuasa gadung.-EDISI UKAS
