Program Lumba Komuniti Menua Pesisir Matak Pengerindu Raban Nembiak Ba Lumba
Disiarkan pada 10 Sep 2024
Sumber Berita: UKAS
TATAU: Program Lumba Menua Pesisir 2024 renggat Sarawak deka diatur dikena matak pengerindu bala nembiak ngambika rindu ke lumba seraya nempa pengerai enggau pengeregas runding.
Program tu diatur Opis Nembiak enggau Lumba Sarawak begulai enggau Opis Nembiak enggau Lumba Bintulu, Kelab Nyumpit Menaul, Kelab Nembiak Sungai Kakus enggau Gerempung Archery Tradisional Sitak Bintulu.
Menteri di Opis Premier Sarawak ke mega Kaban Kunsil Nengeri (ADUN) Kakus, Dato Sri John Sikie Tayai madah, program tu patut suah agi diatur ba selampur menua pesisir.
"Program baka tu tau bendar nempa mayuh agi atlit nyaup kitai nyulut ba SUKMA nangkan tu ila," ku iya madah.
Iya madah munyi nya maya ngulu pengerami bejadika program nya di SMK Tatau, kena Hari Minggu tu tadi.
Ngena awak nya, Dato Sri John Sikie meransang bala mayuh di menua nya bela ngambi bagi ba program.
Iya andal, program nya bela nyadika chara engkeman nyidi pengelandik baru ba lumba enggau main.-EDISI UKAS
