Dato Sri Roland Sagah Bejadi Malam Main Asal Tiong Hua Ke-6 & Pengerami Kue Bulan Sitak Serian 2024
Disiarkan pada 10 Sep 2024
Sumber Berita: UKAS
SERIAN: Menteri Pelajar, Inovasyen enggau Pemansang Pengelandik Sarawak, Dato Sri Roland Sagah We Inn udah ngulu Pengerami Makai Lemai Main Asal Tiong Hua Ke-6 enggau Pengerami Kue Bulan Sitak Serian 2024 di Balai Mayuh Guna Sekula Primari China (SJK) Chung Hua Batu 35 ditu, empai lama tu tadi.
Tu kedua kali Kaban Kunsil Nengeri (ADUN) Tarat nya bejadika pengerami nya ke diatur Komiti Pengatur Sekula enggau Gerempung Apai Indai enggau Pengajar (PIBG) Sekula Primari China (SJK) Sitak Serian.
Pengerami nya mega dirichah enggau bemacham program.
Sama bisi datai maya nya, Kaban Kunsil Nengeri (ADUN) Bukit Semuja John Ilus, ADUN Tebedu Dr Simon Sinang Bada, Residen Sitak Serian Caroline Cleophas Joseph, Sekretari Politik ngagai Premier Sarawak Damen Rejek sereta bala bukai.-EDISI UKAS
