KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg udah datai ngulu Pengerami Ngabang Aidilfitri ke diatur Sekretari Perintah Sarawak Datuk Amar Mohamad Abu Bakar Marzuki, malam Hari Dua.
Penatai Premier Sarawak urung pukul 8 disambut Datuk Amar Mohamad Abu Bakar enggau bini, Datin Amar Baduyah Bujang sereta sida sebilik.
Maya nya, Datuk Amar Mohamad Abu Bakar bisi meri tepa nyadika kenang lalu begambar begulai enggau Premier Sarawak.
Bela datai ngabang maya nya Menteri ba Opis Premier Sarawak (Undang-undang, MA63, enggau Kaul Nengeri-Perintah Besai) Datuk Sharifah Hasidah Sayeed Aman Ghazali, Sapit Sekretari Perintah Sarawak (Pengatur Ekonomi enggau Pemansang) Datu Dr Muhammad Abdullah Zaidel, Chairman Opis Pemansang Ekonomi Sarawak (SEDC) Tan Sri Datuk Amar (Dr) Abdul Aziz Dato Husain enggau Datuk Bandar Dewan Bandaraya Kuching Utara (DBKU) Hilmy Othman.
Dulu ari nya Datuk Amar Mohamad Abu Bakar mega ngintu penatai bala pengabang ke bukai ke udah datai dia ari pukul 7 lemai.-EDISI UKAS
