Perintah Sarawak Nyaup Numbuh Pemansang Infrastruktur Rayat
Disiarkan pada 06 Sep 2024
Sumber Berita: UKAS
SARIKEI: Perintah Sarawak udah ngungkupka agih belanja dikena numbuhka pemansang infrastruktur di Sarikei enggau Meradong ba tuju ngangkat tikas pengidup enggau ngintu pengelantang rayat mayuh.
Saup perintah nya nyengkaum diberi nengah Kaunsil Pemansang Pengawa Berumah (HDC) iya nya Skim Jali Rumah Panjai.
Tu diterangka Sapit Menteri Pengeraja Asal enggau Pemeruan Rampa Menua, Dato' Sri Huang Tiong Sii maya ngabas Rumah Angelessa Johnie Tigong di Sungai Sentebu ditu ke benung digaga ari Skim Jali Rumah Panjai, kena Hari Empat tu tadi.
Maya nya iya bela dipebasa nanam pun kayu nyadi kelai kenang beserimbai penemuai iya ngagai rumah panjai nya.
Iya ke mega Kaban Parlimen Sarikei enggau Kaban Kunsil Nengeri (ADUN) Repok bela nyaup minta Skim Jali Rumah Panjai ari HDC dikena ngentak baru Rumah Alen Jazo di Merudu.
Tuai Rumah Alen Jazo enggau nya madahka diri berasai gaga sereta beterima kasih ngagai Dato' Sri Huang ke pengibuh iya nyaup sida serumah ngentak baru.
Ku iya, pengawa perintah ngangkatka tikas idup rayat ngambika diau ba rumah ke lantang besai amat reti ngagai sida semenua.-EDISI UKAS
