MARUDI: Serakup Indu Dayak Sarawak (SIDS) Marudi chakah deka ngangkat sereta nyungkak seni krafjari raban bansa Iban.
Chairperson SIDS Pampang Marudi Kaunselor Yanti Nyanggau madah, tu beguna dikena nentuka krafjari bisi rega komersial ti ulih nempa penatai pemisi raban indu.
“Kelimpah ari nya, raban orang indu ba rumah panjai mega ulih ngaga krafjari ngisi maya lepa sida,” ku iya.
Iya bejaku munyi nya maya Woksyop Ngaga Marik Empang Moden enggau pengawa Beranyam Sidan di Rumah Tanjung Stapang B ditu, Hari Satu.
Iya mega madah, woksyop ke diatur nya tau bendar mai rebak baru bela ngemeran pengerindu ngaga krafjari seraya ngetan pesaka asal nya ngambika enda punas.
Woksyop ke diatur sehari berunggu nya digulu 25 iku penyereta.
Bela bisi maya nya, Tuai Rumah Stapang B Tanjung Nudong enggau Tuai Unit SIDS Rumah Tanjung Stapang B Sorina Tawi. -EDISI UKAS
