200 Iku Ngulu Pengawa Miring Nasih Ai Beserimbai Pengerami Tatau 2024
Disiarkan pada 04 Sep 2024
Sumber Berita: UKAS
TATAU: Pengawa Miring Nasih Ai beserimbai enggau Pengerami Tatau 2024 udah digulu urung 200 iku tuai opis perintah, Tuai Raban Bansa enggau Genturung Pendiau (KMKK) Pelilih Tatau sereta bala mayuh menua nya.
Pengawa nya bela digulu Menteri b Opis Premier Sarawak Dato Sri John Sikie Tayai.
Pengawa Miring Nasih Ai tu diatur dikena minta pemujur enggau pengelikun Regatta enggau lumba perau laju ke deka diatur beserimbai enggau Pengerami Tatau 2024.
Ke penemu mayuh, bisi 97 bala penyereta enggau 18 tim udah nganjung nama enggau Regatta tu ke deka diatur belabuh 7 nyentuk 8 September ila lalu pekit perau laju bisi 172 penyereta enggau 78 tim diatur kena 14 ngagai 15 September 2024.
Gela Raja Sungai deka mai perais mata duit RM10,000.-EDISI UKAS
