BINTANGOR: Rayat ba Kunsil Nengeri (DUN) Meradong betuah dipegai pengari rayat ari Gabungan Parti Sarawak (GPS) nyengkaum ari Parlimen Sarikei.
Kaban Kunsil Nengeri (ADUN) Meradong Datuk Ding Kuong Hiing madah, kerejasama ari dua iku pengari rayat GPS dia udah mayuh mai pemansang ngagai sitak nya.
Ku iya, kerejasama ari semua komuniti ba DUN nya mega beguna amat dikena nentuka semua langgur sereta pelin pemansang digaga nggau mujur.
“Kitai deka ngelanggur mayuh agi pemansang ngambika ulih nyempilka agi seraka pemansang kandang mengeri enggau menua pesisir.
“Dikena ngemujurka juluk ati tu, kerejasama ari Tuai Raban Bansa enggau Genturung Pendiau (KMKK) sereta komuniti ditu endang amat diguna.
“Ketegal nya kami minta rayat menua tu mantu ngenataika nama peminta enggau penanggul ngambika atur ti engkeman ulih dipejalaika dikena mutar isu ke bisi nyadi," ku iya maya iya ngabas rumah panjai di sitak DUN Meradong, Hari Satu tadi.
Ba program nya, Datuk Ding datai nemuai ngagai enam buah rumah panjai di Sungai Buloh enggau Sungai Meradong.
Maya nya mega, Datuk Ding madahka orang gawa khas ari Opis Premier Sarawak deka ngatur siti program komuniti dikena mantu urang ti nadai ngembuan surat pengelala diri kenaka 10 Jun ngagau 14 Jun tu ila ba Opis Pelilih Meradong. -EDISI UKAS
