PBS Ngatur Program Tamu 'Gayo Saganao' Beserimbai Hari Kebangsaan
Disiarkan pada 03 Sep 2024
Sumber Berita: UKAS
LIMBANG: Gerempung Bisaya Sarawak (PBS) besaup enggau Program Jiwa Komuniti Madani sereta Opis Pemadah Sitak Limbang apin lama tu tadi bisi ngatur program Tamu 'Gayo Saganao' beserimbai enggau pengerami ngintu Hari Kebangsaan ke-67.
Program nya udah dipenyadika Tuai Komuniti Bisaya Limbang, Temenggong Nicholas Buyok Pura ti ngarika Kaban Kunsil Nengeri (ADUN) Batu Danau, Dato Paulus Palu Gumbang di Balai Main Asal Bisaya Batu Danau.
Ngena rambai jaku 'Malaysia Madani, Jiwa Merdeka', program nya disempulang pengawa bejual enggau servis disediaka kena nyungkak ekonomi sereta meri penatai pemisi tambah ngagai komuniti ba kandang menua dia.
Tu nyengkaum nyual produk betanam betupi, asil pengelandik jari sereta nguntin buk.
Pengerami bela dirichah enggau Senaman Madani Malaysia, nuat Jalur Gemilang enggau Pekit 4x4 ba tuju nyungkakka agi ulah angkun enggau talukka menua ba bala mayuh.
Sama bisi datai maya nya Sapit Chairman PBS Narawi Aba, Chairman Komuniti Madani Malaysia Julain Injan, Chairman Kaunsil Penegap Raban Indu Batu Danau Roana Burut enggau Chairman Kelab 4x4 Batu Danau Jonidi Mamat.-EDISI UKAS
