14 Buah Sekula Mission DUN Tarat Nerima Chek Bantu
Disiarkan pada 03 Sep 2024
Sumber Berita: UKAS
TAPAH: Bisi 14 buah sekula mission Anglikan enggau Katolik ba Sitak Kunsil Nengeri (DUN) Tarat udah nerima chek Bantu Agih Belanja ari Sekula Mission Sarawak.
Pengawa ngelai nyuaka chek nya udah disuaka Menteri Pelajar, Inovasyen & Pemansang Pengelandik Sarawak, Dato Sri Roland Sagah We Inn di Palan Servis PBB pampang Tarat, kena Hari Minggu, empai lama.
Dato Sri Roland ke mega Kaban Kunsil Nengeri (ADUN) Tarat madahka penyampau agih belanja ke diberi iya nya RM1,932,960.
Iya mega ngarapka bala penerima nyengkaum chairman kaunsil enggau pengatur sekula ngambika ngatur agih belanja nya enggau manah. -EDISI UKAS
