SARIKEI: Palan Servis Sarawak (PSS) Sarikei udah berengkah dibuka sehari tu.

Pss siti ari inisiatif transformasyen servis pengawa perintah diungkupka ngagai rayat.

Palan nya bisi kaunter, aplikasyen, portal rasmi enggau e-kiosk servis perintah.

Unit Digitalisasyen Servis Perintah Sarawak madah, PSS ke sebaka udah dibuka di Kuching, Serian, Betong, Sri Aman, Sibu enggau Miri. 

PSS Sarikei tu Pss ketujuh di Sarawak.

Sekeda ari servis ke bisi ba palan nya baka endur mayar bil ai, karan, chukai, Sarawak Gas, endur mayar jali berumah Opis Pemansang Pengawa Berumah Sarawak (HDC) enggau suwa tanah.

PSS Sarikei dibuka tiap Hari Satu nyentuk Hari Lima lalu tutup ujung Minggu enggau hari besai.

Service Sarawak Sarikei ba Tingkat 1, Lot 755, Palan Servis Perintah Sarawak, Sitak Sarikei di Jalai Seng Lee.-EDISI UKAS