MIRI: Yang di-Pertua Negeri Sarawak Tun Pehin Sri Dr Wan Junaidi Tuanku Jaafar enggau bini, Toh Puan Fauziah Mohd Sanusi nampung pengawa seduai ngabang Aidilfitri ke Miri, Hari Satu tu tadi.
Keterubah, seduai ngabang ngagai Temenggong Dato Abdul Rahman Fazail urung pukul 11:30 pagi.
Nangkan nya, seduai ngabang ngagai Sapit Menteri Pengerai Dato Lukanisman Awang Sauni enggau Sapit Menteri Raban Nembiak, Lumba enggau Pemansang Orang Dagang Datuk Dr Ripin Lamat.
Kepenudi program sehari nya, seduai ngabang ngagai Sapit Menteri Pemansang Raban Indu, Nembiak Mit enggau Pengelantang Komuniti, Datuk Rosey Yunus.
Bela nyempulang maya nya Sapit Menteri Utiliti enggau Telekomunikesyen Datuk Dr Abdul Rahman Junaidi, Sapit Menteri Dagang Temuai, Industri Kreatif enggau Seni Pemerindang Sarawak ke mega Kaban Kunsil Nengeri (ADUN) Piasau Datuk Sebastian Ting Chiew Yew. -EDISI UKAS
