Mentor AZAM Udah Mai Semangat Kemerdekaan Malaysia Ke Panggau Dunya Enggau Toastmasters
Disiarkan pada 01 Sep 2024
Sumber Berita: UKAS
KUCHING: Mentor Kelab Pengelicha Biak AZAM enggau Direktor Pelilih 87, Nur Zaihanirah Zaini @Hani, DTM udah bulih Anugerah Pelilih Tebilang Dipilih 2023-2024 di Konvensyen Antarabansa Toastmasters di California, Amerika Syarikat.
Ba siti penerang media ari Angkatan Zaman Mansang (AZAM) Sarawak kena Hari Enam, penyulut nya udah mai semangat kemerdekaan Malaysia ba panggau dunya.
Hani ke kaban tebilang Kelab Toastmasters AZAM di Kuching udah ngayanka pengelebih diri, nyereminka nilai ke diintu tiap 31 Ogos maya Hari Merdeka iya nya pengeliat, pemerani sereta pengeransing deka mansang diri empu enggau menua.
Sama baka tuai bejasa menua kitai, Hani udah negapka nama Pelilih 87 ba panggau antarabansa, ngemeran semangat ‘Malaysia Madani’.
"Peneleba aku nyadi 'Produk AZAM' udah ngajar aku ngiring sama baka baka ni menua kitai ditempa ari pengeliat ati enggau penyerakup.
"Ngiring Pelilih 87 siti tanggungpengawa ke besai, lalu aku temegah mai semengat merdeka Malaysia ngagai panggau dunya," ku iya.
Ku iya, pengawa numbuhka Kelab Penglicha AYS di Sarawak ti betuaika Hani seraris enggau semengat merdeka, meri peluang ngagai raban nembiak Malaysia ngatika diri, sebaka enggau menua kitai nyapai kemerdekaan.
“Nengah peluang tu ba mua mayuh sereta nyadi tuai, Kelab Penglicha AYS ukai semina deka ngemansang bala individu aja tang deka meri pemansang ngagai menua,” ku iya.-EDISI UKAS
