Sarawak Champion SUKMA XXI 2024
Disiarkan pada 24 Aug 2024
Sumber Berita: UKAS
KUCHING: Sepengudah 30 taun nganti, sekali agi Sarawak mujur dipadu champion Lumba Malaysia (SUKMA) Ke-21 Sarawak 2024.
Sarawak mujur bulih 76 midul emas, 54 midul pirak enggau 68 midul engkeraju.
Kepenudi Sarawak megai gelar champion ba taun 1994 suba.
Tim Gimnastik Artistik Solo Indu kategori 'senam lantai' mai tuah ketegal emas sida Sarawak ngempu gela champion SUKMA 2024.
Penuduk lumur dua diempu Wilayah Persekutuan ke mai pulai 75 midul emas, 65 midul pirak enggau 72 midul engkeraju.
Selangor ba penuduk lumur tiga enggau 55 midul emas, 64 midul pirak enggau 57 midul engkeraju.
Sebedau tu Sarawak ngembuan juluk ati bulih 70 midul emas.
Pengerami nutup SUKMA Sarawak 2024 Ke-21 diatur malam tu ti deka dipenyadika Menteri Besai Datuk Seri Anwar Ibrahim.
Bela disadang datai, Datuk Patinggi Tan Sri (Dr) Abang Abdul Rahman Zohari Tun Datuk Abang Openg sereta bala tuai enggau pemesai Sarawak ke bukai. -EDISI UKAS
